al mar d'nvern - carraraonline.com

Sezione a cura di Mario Volpi
Vai ai contenuti

al mar d'nvern

Sol p'r noialtri
Versione audio del racconto

Cosa c'è di più bello che passeggiare in riva al mare durante una mareggiata. La nebbiolina leggera e salata che il vento impetuoso ti sputa in faccia, le orecchie piene del poderoso frastuono del mare, e gli occhi pieni della sua inarrestabile potenza. Il tutto è ancora più bello se si va "al mar d'nvern". Buon ascolto

Adè squasi sera. ‘L sol i zoch a r’npiatin con le nuvle, zudlà vers Mont’marcelo.
Nuvle gonfie, spesse, che ‘l vent d Libezz i agavug una con d’altra, p’r po’ straparle, sbrindedarle com un linzol trop lis, p’r far v’der la trama che aiè d sot.
‘L mar iè cativ. Cavadon cr’stati d s’ciuma i pìn la r’ncorsa, p’r po’ scalamarc contr i scoi con nà tronata com nà mina, e un milion d fontane d’acqua sparati al’nsù vers ‘l zel.
P’r un s’gond, un moment, i sprici i arma’n fermi, stampati ‘nt’el vot, com tacati a un fil…’L temp che ‘l sol i disegn un’arcobalen!….E po’ zù….A zupar nicò ‘nt’un mazamuded d s’ciuma bianca.
A riva ‘nveza tut iè divers, pù calm, pù posat.
‘L vent i pet’n a l’umberta le onde che vers tera a s’ncurv’n, pogh prima d sprocar su la spiagia. Quand a s’artir’n al las’n nà strisa d rumenta, com se al fus’n a far le sfide a chi ad’ariv pù a la lunta.
La rena adè tuta liv’data dal vent; verz’na com neva, senza nemanch la stampa d ‘un pè, se nò i mi che a m las d dret. ‘L Libezz i buff a pù a ‘n poss, ma, anch se i t lav ‘l mus, e i t frugh zù p’r la s’ciena con i so diti umdi, i n’l fa con cativeria! I né cativ com la Tramontana che a t droch i ossi, e a t spach i lerfi. Lù no! I ven da di posti dov ‘l fred i n’esist, lù i dev sol far ‘ncativir ‘l mar, p’rcos i poss r’spirar mei.
‘Ntant ‘l sol dop aver dat foch al mond, i chin la testa, e i và ‘n let.
E mentr un branch d gabian i vol vers Puntabianca, anca’mè a decid d’andar vers cà.


Volpi Mario

Racconti di questa rubrica

Ti è piaciuta questa sezione, per lasciare un commento

Versione audio del racconto
CarraraOnline.com
CarraraOnline.com
Torna ai contenuti